Atma Bodha é um texto composto por Shri Adi Shankaraacarya, para o estudo de Vedanta. Abaixo está uma versão do texto original em sânscrito, na transliteração Itrans, publicada originalmente no Sanskrit Documents, onde você também consegue versões em PS | PDF | XDVNG.

—

.. AtmabodhaH ..
tapobhiH kShINapApAnAM shAntAnAM vItarAgiNAm .
mumukShUNAmapekShyo.ayamAtmabodho vidhIyate .. 1..
bodho.anyasAdhanebhyo hi sAkShAnmokShaikasAdhanam .
pAkasya vahnivajj~nAnaM vinA mokSho na sidhyati .. 2..
avirodhitayA karma nAvidyAM vinivartayet .
vidyAvidyAM nihantyeva tejastimirasa~Nghavat .. 3..
parichChanna ivAj~nAnAttannAshe sati kevalaH . ##var ## avachChinna
svayaM prakAshate hyAtmA meghApAye.n.ashumAniva .. 4..
aj~nAnakaluShaM jIvaM j~nAnAbhyAsAdvinirmalam .
kR^itvA j~nAnaM svayaM nashyejjalaM katakareNuvat .. 5..
saMsAraH svapnatulyo hi rAgadveShAdisa~N.hkulaH .
svakAle satyavad.hbhAti prabodhe satyasad.hbhavet .. 6..
tAvatsatyaM jagad.hbhAti shuktikArajataM yathA .
yAvanna j~nAyate brahma sarvAdhiShThAnamadvayam .. 7..
upAdAne.akhilAdhAre jaganti parameshvare .
sargasthitilayAn yAnti budbudAnIva vAriNi .. 8..
sachchidAtmanyanusyUte nitye viShNau prakalpitAH .
vyaktayo vividhAH sarvA hATake kaTakAdivat .. 9..
yathAkAsho hR^iShIkesho nAnopAdhigato vibhuH .
tad.hbhedAd.hbhinnavad.hbhAti tannAshe kevalo bhavet .. 10..
nAnopAdhivashAdeva jAtivarNAshramAdayaH . ##var ## jAtinAmAshramAdayaH
AtmanyAropitAstoye rasavarNAdi bhedavat .. 11.
pa.nchIkR^itamahAbhUtasaMbhavaM karmasa.nchitam .
sharIraM sukhaduHkhAnAM bhogAyatanamuchyate .. 12..
pa.nchaprANamanobuddhidashendriyasamanvitam .
apa.nchIkR^itabhUtotthaM sUkShmA~NgaM bhogasAdhanam .. 13..
anAdyavidyAnirvAchyA kAraNopAdhiruchyate .
upAdhitritayAdanyamAtmAnamavadhArayet .. 14..
pa.nchakoshAdiyogena tattanmaya iva sthitaH .
shuddhAtmA nIlavastrAdiyogena sphaTiko yathA .. 15..
vapustuShAdibhiH koshairyuktaM yuktyavaghAtataH .
AtmAnamantaraM shuddhaM vivi~nchyAttaNDulaM yathA .. 16..
sadA sarvagato.apyAtmA na sarvatrAvabhAsate .
buddhAvevAvabhAseta svachCheShu pratibimbavat .. 17..
dehendriyamanobuddhiprakR^itibhyo vilakShaNam .
tad.hvR^ittisAkShiNaM vidyAdAtmAnaM rAjavatsadA .. 18..
vyApR^iteShvindriyeShvAtmA vyApArIvAvivekinAm .
dR^ishyate.abhreShu dhAvatsu dhAvanniva yathA shashI .. 19..
AtmachaitanyamAshritya dehendriyamanodhiyaH .
svakriyArtheShu vartante sUryAlokaM yathA janAH . 20..
dehendriyaguNAnkarmANyamale sachchidAtmani .
adhyasyantyavivekena gagane nIlatAdivat .. 21..
aj~nAnAnmAnasopAdheH kartutvAdIni chAtmani .
kalpyante.ambugate chandre chalanAdi yathAmbhasaH . 22..
rAgechChAsukhaduHkhAdi buddhau satyAM pravartate .
suShuptau nAsti tannAshe tasmAd.hbuddhestu nAtmanaH .. 23..
prakAsho.arkasya toyasya shaityamagneryathoShNatA .
svabhAvaH sachchidAnandanityanirmalatAtmanaH .. 24..
AtmanaH sachchidaMshashcha buddhervR^ittiriti dvayam .
saMyojya chAvivekena jAnAmIti pravartate .. 25..
Atmano vikriyA nAsti buddherbodho na jAtviti .
jIvaH sarvamalaM j~nAtvA j~nAtA draShTeti muhyati .. 26..
rajjusarpavadAtmAnaM jIvaM j~nAtvA bhayaM vahet .
nAhaM jIvaH parAtmeti j~nAta.n chennirbhayo bhavet .. 27..
AtmAvabhAsayatyeko buddhyAdInIndriyANyapi .
dIpo ghaTAdivatsvAtmA jaDaistairnAvabhAsyate .. 28..
svabodhe nAnyabodhechChA bodharUpatayAtmanaH .
na dIpasyAnyadIpechChA yathA svAtmaprakAshane .. 29..
niShidhya nikhilopAdhInneti netIti vAkyataH .
vidyAdaikyaM mahAvAkyairjIvAtmaparamAtmanoH .. 30..
AvidyakaM sharIrAdi dR^ishyaM bud.hbudavatkSharam .
etadvilakShaNaM vidyAdahaM brahmeti nirmalam .. 31..
dehAnyatvAnna me janmajarAkArshyalayAdayaH .
shabdAdiviShayaiH sa~Ngo nirindriyatayA na cha .. 32..
amanastvAnna me duHkharAgadveShabhayAdayaH .
aprANo hyamanAH shubhra ityAdi shrutishAsanAt .. 33..
##(##etasmAjjAyate prANo manaH sarvendriyANi cha .
khaM vAyurjyotirApaH pR^ithivI vishvasya dhAriNI ..##) doubtful addition##
nirguNo niShkriyo nityo nirvikalpo nira.njanaH .
nirvikAro nirAkAro nityamukto.asmi nirmalaH .. 34..
ahamAkAshavatsarvaM bahirantargato.achyutaH .
sadA sarvasamaH siddho niHsa~Ngo nirmalo.achalaH .. 35..
nityashuddhavimuktaikamakhaNDAnandamadvayam .
satyaM j~nAnamanantaM yatparaM brahmAhameva tat .. 36..
evaM nirantarAbhyastA brahmaivAsmIti vAsanA .
haratyavidyAvikShepAn rogAniva rasAyanam .. 37..
viviktadesha AsIno virAgo vijitendriyaH .
bhAvayedekamAtmAnaM tamanantamananyadhIH .. 38..
AtmanyevAkhilaM dR^ishyaM pravilApya dhiyA sudhIH .
bhAvayedekamAtmAnaM nirmalAkAshavatsadA .. 39..
rUpavarNAdikaM sarva vihAya paramArthavit .
paripurNaMchidAnandasvarUpeNAvatiShThate .. 40..
j~nAtR^ij~nAnaj~neyabhedaH pare nAtmani vidyate .
chidAnandaikarUpatvAddIpyate svayameva tat .. 41.. ##var ## hi ..
evamAtmAraNau dhyAnamathane satataM kR^ite .
uditAvagatirjvAlA sarvAj~nAnendhanaM dahet .. 42..
aruNeneva bodhena pUrvaM santamase hR^ite .
tata AvirbhavedAtmA svayamevA.nshumAniva .. 43..
AtmA tu satataM prApto.apyaprAptavadavidyayA .
tannAshe prAptavad.hbhAti svakaNThAbharaNaM yathA .. 44..
sthANau puruShavad.hbhrAntyA kR^itA brahmaNi jIvatA .
jIvasya tAttvike rUpe tasmindR^iShTe nivartate .. 45..
tatvasvarUpAnubhavAdutpannaM j~nAnama.njasA .
ahaM mameti chAj~nAnaM bAdhate dig.hbhramAdivat .. 46..
samyagvij~nAnavAn.h yogI svAtmanyevAkhilaM jagat .
ekaM cha sarvamAtmAnamIkShate j~nAnachakShuShA .. 47..
AtmaivedaM jagatsarvamAtmano.anyanna vidyate .
mR^ido yadvadghaTAdIni svAtmAnaM sarvamIkShate .. 48..
jIvanmuktastu tadvidvAn.hpUrvopAdhiguNAnstyajet .
sachchidAnandarUpatvAt.h bhaved.hbhramarakITavat .. 49..
tIrtvA mohArNavaM hatvA rAgadveShAdirAkShasAn .
yogI shAntisamAyukta AtmArAmo virAjate .. 50..
bAhyAnityasukhAsaktiM hitvAtmasukhanirvR^itaH .
ghaTasthadIpavatsvasthaM svAntareva prakAshate .. 51..
## var ## dIpavacChashvadantareva
upAdhistho.api taddharmairalipto vyomavanmuniH .
sarvavinmUDhavattiShThedasakto vAyuvachcharet .. 52..
upAdhivilayAdviShNau nirvisheShaM vishenmuniH .
jale jalaM viyadvyomni tejastejasi vA yathA .. 53..
yallAbhAnnAparo lAbho yatsukhAnnAparaM sukham .
yajj~nAnAnnAparaM j~nAnaM tad.hbrahmetyavadhArayet .. 54..
yad.hdR^iShTvA nAparaM dR^ishyaM yad.hbhUtvA na punarbhavaH .
yajj~nAtvA nAparaM j~neyaM tad.hbrahmetyavadhArayet .. 55..
tiryagUrdhvamadhaH pUrNaM sachchidAnandamadvayam .
anantaM nityamekaM yattad.hbrahmetyavadhArayet .. 56..
atadvyAvR^ittirUpeNa vedAntairlakShyate.avayam .
akhaNDAnandamekaM yattatad.hbrahmetyavadhArayet .. 57..
akhaNDAnandarUpasya tasyAnandalavAshritAH .
brahmAdyAstAratamyena bhavantyAnandino.akhilAH .. 58..
tadyuktamakhilaM vastu vyavahArastadanvitaH . ##var ##vyavahArashchidanvitaH
tasmAtsarvagataM brahma kShIre sarpirivAkhile .. 59..
anaNvasthUlamahrasvamadIrghamajamavyayam .
arUpaguNavarNAkhyaM tad.hbrahmetyavadhArayet .. 60..
yad.hbhAsA bhAsyate.arkAdi bhAsyairyattu na bhAsyate .
yena sarvamidaM bhAti tad.hbrahmetyavadhArayet .. 61..
svayamantarbahirvyApya bhAsayannakhilaM jagat .
brahma prakAshate vahniprataptAyasapiNDavat .. 62..
jagadvilakShaNaM brahma brahmaNo.anyanna ki.nchana .
brahmAnyad.hbhAti chenmithyA yathA marumarIchikA .. 63..
dR^ishyate shrUyate yadyad.hbrahmaNo.anyanna tad.hbhavet .
tattvaj~nAnAchcha tad.hbrahma sachchidAnandamadvayam .. 64..
sarvagaM sachchidAtmAnaM j~nAnachakShurnirIkShate .
aj~nAnachakShurnekSheta bhAsvantaM bhAnumandhavat .. 65..
shravaNAdibhiruddIptaj~nAnAgniparitApitaH .
jIvaH sarvamalAnmuktaH svarNavad.hdyotate svayam .. 66..
hR^idAkAshodito hyAtmA bodhabhAnustamo.apahR^it .
sarvavyApI sarvadhArI bhAti bhAsayate.akhilam .. 67..
digdeshakAlAdyanapekShya sarvagaM
shItAdihR^innityasukhaM nira.njanam .
yaH svAtmatIrthaM bhajate viniShkriyaH
sa sarvavitsarvagato.amR^ito bhavet .. 68..
.. iti sha.nkarAchAryavirachita AtmabodhaH samAptaH ..

Publicado por Rodrigo G. Ferreira em 29 Jul 2009 09:43 am

Etiquetas: ,